BUENOS AIRES, ARGENTINA, AFP.- Aktivistanan na fabor di legalisashon di abordo na Argentina a pidi presidente Alberto Fernandez pa kumpli ku su promesa di presentá un proyekto pa esaki. Sinembargo, iglesianan ta oponé firmemente kontra e petishon aki.
Kampaña Nashonal pa Derechi di Aborto Legal, Safe i Grátis a pidi pa organisá un manifestashon den Argentina den e simannan binidero.
Tur preshon ta riba e presidente, kende a primintí riba 1e di mart ku e lo presentá un proyekto pa legalisá aborto.
E inisiativa a keda stanká despues ku e pais a dekretá un lockdown riba 20 di mart pa kontené e pandemia di Corona vírus. E seshonnan parlamentario a keda suspendé i despues reanudá ku konferensia di video. Pero e tenshon entre ofisialismo i oposishon a subi i stanka e kombersashonnan.
E lei vigente di 1921 ta outorisá interupshon di embaraso solamente si ta trata di violashon òf si e embaraso ta forma un peliger pa salú di e muhé.
E ministerio di salú di Argentina a bisa ku ta interná 39.000 persona tur aña pa komplikashon di aborto klandestino, kual ta evitabel si realisá e interupshon den kondishonnan mas safe i legal.
