WILLEMSTAD.- Den koperashon ku Wereldmuseum, e Orkesta Filarmóniko di Rotterdam ta presentá e obra teatral FEEST!, pa studiantenan di grupo 3 i 4, e luna aki den Concertgebouw de Doelen i e teater Zuidplein.

Den e obra, e muchanan ta sigui e kuenta di e “Superstraat” di e Museo di Mucha i ta haña sa kon e bisiñanan di Rotterdam ta hasi fiesta. I pa siglonan kaba, na tur fiesta mester tin músika. Asina nan ta meskla músika klásiko festivo ku influensianan di e kantidat di kulturanan mundial eksistente na Rotterdam.

Pa e presentashon teatral  musikal aki, a invitá e aktor yu di Kòrsou, Ayrton Kirchner, pa partisipá  i e ta entretené e studiantenan ku su kanto i aktuashon.

Despues di a sigui su estudio pa aktor na ITS DNA i Toneelschool Utrecht, (HKU), Ayrton a interpretá vários ròl den diferente pelíkulanan kòrtiku. El a aktua komo Nelson Mandela den un obra di teater den Nieuwe Kerk na Amsterdam i a tour ku presentashonnan di “Poker”, ademas di diferente otro obranan di teater.

Esaki lo ta e promé biaha ku un aktor yu di Kòrsou ta kanta i aktua ku e Orkesta Filarmóniko di Rotterdam.

LAGA UN KOMENTARIO

Please enter your comment!
Please enter your name here