WILLEMSTAD.- Tin un chèns ku e siman aki mes Refineria di Kòrsou por yega na un akuerdo ku e kompania Global Oil pa inisiá ku e trabounan pa start plantanan riba tereno di refineria Isla pa produsí asfalt. Gerensia di RdK a invitá sindikatonan ku ta representá trahadónan pa un reunion ku a tuma lugá awe djarason 7 mei pa 4’or di atardi.
Bou di e mas òf ménos 250 trahadónan di RdK/CRU ta biba e temor ku si no yega na un akuerdo denter korto riba operashon di e refineria sea, parsial òf kompletu, ku lo kòrta e kantuidat di trahadónan na mitar, esta alrededor di 125 so lo keda ku trabou.
Pa por produsí asfalt mester pone e plantanan CD2 A i CD2 B bek den operashon. Despues ku e aventura ku RdK a drenta aden ku e kompania Caribbean Petroleum Refinery (CPR) a bai robes, te ku tin un investigashon andando a base di kehonan entregá ku a falsifiká dokumentunan, Den nos edishon di mayan lo tin mas informashon.
