WILLEMSTAD.- Wes den Korte di Promé Instansia a kaba di apsolvé e akusado Shadrach G. den kaso asesinato du Jardino Hasseth mihó konosí komo Koko Man. Ta trata aki di e kaso ku a tuma lugá dia 4 di aprel 2024. Pa ku e kaso aki e hóben Shadrach G. (24) ta keda akusá di ta esun ku a likidá Koko Man. Via imágennan di kámara por a mira e suseso, pero pa tantu fiskal komo wes tin algun detaye ku no tabata muchu kla. Durante tratamentu di e kaso, e akusado a insistí ku e no ta esun ku a tira e víktima. El a bisa ku e víktima tabata esun ku a saka arma promé i dor di e forsageo bala a sali. Banda di esaki e akusado a bisa ku el a aktua den defensa propio. Koko man ta esun ku a kore bin riba dje ku arma i el a defendé su kurpa dor di pusha Koko Man ku e konsekuensia ku bala a sali ku resultado fatal. Den edishon di EXTRA mayan lo tin mas detaye.
