MEXICO, (AP).- Míles di persona ayera a bai kambia algun tarheta prepago, ku segun nan, e partido ku a gana presidensia di Mexico a regalá nan, alimentando e akusashonnan di ku e elekshonnan di djadumingu tabata manchá pa un enorme kumpramentu di voto.
Algun di e personanan ku tabatin e karchinan tabata furioso. Nan a reklamá ku nan no a risibí tantu manera a primintí nan òf ku algun karchi ni sikiera a funshoná. E bisiñanan di un di e tiendanan situá den un bario pober pafó di Ciudad de Mexico, a bisa ku e multitut di klientenan, no usualmente grandi, a impedí nan hasi nan kompra di tur dia.
Algun di e personanan ku tabata pará den rei pa usa nan karchinan di regalo a bisa ku nan a risibí nan a kambio di a apoyá e Partido Revolushonario Institushonal (PRI), kua su kandidato Enrique Peña Nieto a gana e presidensia segun e konteo preliminar di votonan.
E ekipo di kampaña i PeñaNietoieofisinadiPRIa nenga akusashonnan similar tokante e echo ku e partido a parti tarhetanan prepago di un banko lokal.
Promé ku e elekshon, PRI a akusá e partido konservador Partido Akshon Nashonal (PAN),
kua su kandidato a keda na di tres lugá den e elekshonnan, di a entregá provishonnan duranteekampañaiasigurá ku Partido di revolushon Demokrátiko (PRD) a risibí finansiamentu ilegal den e kampaña. Ningun di e akusashonnan aki a wòrdu demostrá.
Djabièrnè promé ku e votashon, PRD, – kende su kandidato Andrés Manuel López a keda na di dos lugáa emití un deklarashon kompañá ku potrètnan di desena di tarhetanan prepago di Soriana, bisando ku un sindikato afiliá na PRI a distribuí nan. PRD, di tendensia iskierdista, a bisa ku el a presentá un denunsia serka outoridatnan elektoral.
Segun e lei elektoral mehikano, duna regalo na e votadónan no ta un delitu a ménos ku e ta kondishoná na su voto òf hasi influensia riba dje. Ademas, e partidonan mester informá outoridatnan di e gastu di e regalonan i nan no por pasa e límitenan di gastunan di kampaña. E violashonnan di e reglanan aki ta wòrdu kastigá ku butnan, pero generalmente no ta konsiderá nan motibu pa anulá e elekshonnan.
Alfredo Figueroa, miembro di Konseho di Instituto Federal Elektoral (IFE) a bisa ayera ku outoridatnan ta investigá e denunsianan di e tarhetanan di Soriana.
Tambe tabatin iregularidatnan den e kontamentunan di votonan. Figueroa a bisa ku nan lo por derivá den un konteo atrobe di e votonan prosedente di mas di 50.000 sentro di votashon, serka di un tèrsio di e 143.000 personanan involukrá den e votashon di djadumingu.
