GRAN BRETANIA (AFP).- Polis britániko a anunsiá di ta investigá dos diferente akusashon di violensia seksual kontra di menornan, ku lo a tuma lugá den dékadanan di 1980 i 1990, relashoná ku e pedofil norteamerikano Jeffrey Epstein. E investigashonnan aki ta tuma lugá vários luna despues di e publikashon, di parti di Departamento di Hustisia di Merka, di dokumentonan relashoná ku Epstein, hañá morto den su sèl den 2019.
Un dje investigashonnan ta referí na susesonan na Surrey, den sùitwèst di London, i Bershite “entre medio di añanan 1990 i aña 2020”, segun polis. Te ku ayera, no tabatin ningun aresto. Polis di Surrey a hasi un yamada riba testigunan den luna di febrüari, despues dje publikashon den desèmber di dokumentonan sensurá pa Departamento di Hustisia di Merka ku ta konta ku akusashonnan riba agreshon seksual kontra di un menor entre 1994 i 1996.
