LOS ANGELES, AP. – Un notifikashon falsu di tiru a kousa pániko entre pasaheronan di aeropuerto internashonal di Los Angeles, kual a kuminsá nèt despues ku polis ku armanan a detené un hòmber bisti na pretu ku tabatin un spada. Asina outoridat a informá.
E spada a resultá di ta di plèstik, pero a insidente a provoká un kaso na momentu ku algun shen persona a hui di e terminalnan, riba kaya òf pista di avion. Un video ta mustra por lo ménos seis agente enfrentando e hòmber, kende tabata bistí manera “zorro”, pafó di Terminal 7 alrededor di 8: 40 di djadumingu anochi. Rápidamente a notifikashonnan falsu a kuminsá, indikando ku tabatin un persona arma, miéntras pasaheronan a desalohá sinku terminal i asta a pasa puntonan di seguridat. Asina e personal di aeropuerto a bisa.
Polisnan a yega e aeropuerto, pero no a haña evidensia ku tabatin un persona armá òf tirando.
E insidente di djaluna a kousa káos i tres terminal a sera. A sera kamindanan i algun avion mester a keda den laira òf riba tera. 280 buelo a kai lat i dos a keda kanselá.
Asina bosero di e aeropuerto Nancy Castles a informá.
Tur terminal i akseso na aeropuerto a bolbe habri 11or di anochi, ora lokal, dos ora despues di e promé rumornan, segun indikashon di outoridat. Ademas di tráfiko, e pasaheronan mester a soportá filanan largu di kòntròl di seguridat paso esnan ku a hui mester a bolbe wòrdu revisá atrobe.
