ANCHORAGE, ALASKA, MERKA, AP.- E abitantenan di Alaska a purba rekuperá na normalidat despues di temblornan fuerte kua a afektá e region.
Un desafio partikular tabata pa drecha e úniko karetera ku ta eksistí na nort di Anchorage.
E temblor a laga e pueblo nèrvioso i mayoria habitante a teme ku lo tin mas temblor.
“E kos aki ta preokupá mi, i mi lo no debolbé nada na nan lugá te na momentu ku e situashon trankilisá”.
E abitantenan na nort di Anchorage a haña pèrmit pa ta ousente òf traha for di kas, pa asina redusí tráfiko riba Karetera Glenn, i permití trahadónan pa laborá i drecha e karetera mas pronto posibel.
Gobernador Bill Walker, a otorgá dia lider na empleadonan estatal públiko pa aliviá kongestion riba kaya.
E temblor di magnitut 7,0 no a kousa dañonan grave i no a afektá edifisionan tampoko. Un temblor di aña 1964, esun mas potente den historia di Merka a pone ku outoridat a adoptá normanan di konstrukshon mas estrikto.