Minister di defensa aleman Boris Pistorius (d) i e mandatario di defensa britániko John Healey, ta duna otro man despues di a firma un akuerdo pa huntu desaroyá armanan di alkanse largu.
BERLIN, Alemania (AFP).- Alemania i Reino Uní huntu lo desaroyá un sistema di armanan di alkanse largu di mas ku 2.000 km, esaki komo e promé proyekto di un akuerdo di defensa ku resien nan a firma pa enfrentá menasanan ruso.
Reuní ayera na Berlin, e ministernan di defensa dje dos paisnan “a akordá pa kuminsá traha huntu riba desaroyo di un kapasidat di atake di presishon europeo, ku un alkanse di mas ku 2.000 km”, segun a keda indiká pa e minister britániko John Healey.
E alkanse aki ta hopi superior na e misilnan dje krusero franses-britániko Storm Shadow. E proyekto, sin un kalènder definí, lo bira e promé proyekto konkreto dje akuerdo yamá “Trinity House”, e promé dje tipo aki entre ámbos pais i ku a keda firmá den òktober di 2024.
E proyekto ELSA ( European Long-Range Strike Approach) a keda lansá pa Fransia, Alemania, Italia i Polonia, pa desaroyá i produsí armanan di atake di alkanse largu den un konteksto dje tenshonnan kresiente ku Rusia.
