BERLIN, ALEMANIA, AFP.- Alemania lo risibí 1.500 migrante di kampo Moira na Lesbos ku a kima. Polis a detené sinku sospechoso ku a provoká e kandela aki djamars.
“Sinku hóben estranhero a wòrdu detené i agentenan ta buskando un di seis ku tambe a keda identifiká”, segun indikashon di e minister di Protekshon Sivil, Michalis Chrysohoidis. E no a revelá nashonalidat di e sospechosonan.
E detenshonnan a keda realisá komo parti di e investigashon relashoná ku un kandela di shelter Moira den Lesbos. E refugio tabatin 12.000 migrante kedando den kondishonnan deplorabel.
Te ainda solamente 10 pais europeo a aseptá pa risibí 400 menor no kompaña, inkluyendo Fransia ku lo risibí 100.
Pero Alemania a bisa ku 1.553 refugiado rekonosé pa outoridat griego “lo wòrdu akohé”, segun deklarashon di e visekansier aleman Olaf Scholz.
Outoridat a konstruí un refugio nobo pero esakinan no tin ducha ni matras, i te ainda solamente 800 migrante a bai di akuerdo pa biba aki, segun indikashon di e ministerio.
