Ukrania den próksimo lunanan lo risibí míles di drones supsidiá pa Alemania i vários otro pais europeo.
GRAN BRETANIA (AFP).- Alemania lo lansa un programa ku lo suministrá Ukrania “míles di drones di distansia largu” pa un montante di 300 mion euro (352 mion dollar), segun su minister di defensa a bisa na Londres. E minister en kuestion, Boris Pistorius, a hasi e anunsio durante di un reunion na Londres dje grupo di kontakto riba defensa di Ukrania.
Gobièrnu britániko, ku den yüni a firma un akuerdo ku Ukrania pa produkshon di drones, “lo finansiá durante próksimo diesdos lunanan e entrega di míles di drones di atake di alkanse largu, fabriká na Reino Uni”, segun e minister di defensa dje pais, John Healey.
E presidente ruso. Vladimir Putin, “ta intensifiká su atakenan kontra Ukrania, i komo tal nos mester ta lihé i aktua ku mas rapides pa fasilitá material militar importante na e sòldánan ukraniano”, segun e mandatario britániko,.
Ademas di Boris Pistorius, e reunion na Londres a konta ku e minister ukraniano Denys Chmyhal, komo tambe e sekretario general di Nashonnan Uni, Mark Rutte.
Den yanüari último, gobiernu britániko a anunsiá un koalishon internashonal, ko-dirigí pa Reino Uni i Letonia, ku lo manda 30.000 drones pa Kiev, via di Fondo Internashonal pa Ukrania. E fondo ei, atministrá pa Reino Uni i finansiá pa aliadonan i sosionan di Ukrania, ta keda usá pa ekiponan militar ku ta gosa di prioridat, inkluso sistemanan di defensa aéreo.
Joh Healy a anunsiá ku e fondo ei a rekoudá mas ku 2.700 mion dollar. “E finansiamentu aki pa Ukrania ta un símbolo di unidat, ku diesun pais trahando huntu kua Reino Uni pa garantisá ku Ukrania ta risibí e yudansa urgente ku e tin mester “, segun Healey a agregá.
