FRANKFURT, ALEMANIA, AFP.- Alemania a rechasá garantianan di invershon di China dor di problemanan ku derecho humano den region di Xinjian dominá pa musulmannan, segun indikashon di e minister di Ekonomia, Robert Habeck.
E desishon ta “promé bia ku no ta duna garantia di invershon pa motibu di derecho humano”, segun indikashon di e minister na e korant semanal Welt am Sonntag.
Habeck no a menshoná e kompania, pero e revista Der Spiegel a bisa ku e empresa afektá ta Volkswagen.
Inougurá na 2013, Volkswagen ta operá un fábrika den kapital di Xinjiang, Urumqi, huntu ku su sosio chines SAIC.
Partido Komunista di China ta akusá ku detenshon di mas di un mion Uyghur i otro minorianan musulman den e region komo parti di un represhon di vários aña di Merka. Legisladornan di otro paisnan ta konsiderá e detenshonnan aki komo genosidio.
Ademas, ta akusá Beijing ku sterilisashonnan fòrsá di muhénan den e region. China a ninga e akusashonnan di abusu, bisando ku esaki ta e “mentira di siglo”.
Habeck a bisa na Welt am Sonntag ku mirando e akusashonnan di trabou forsa den e region, no por garantisá niun proyekto den region di Xinjiang.
