BERLIN, ALEMANIA, AFP.- E minister di Finansa aleman, Olaf Scholz, tabata na fabor di aktivá e fondo Mekanismo Europeo di Stabilidat (MEDE) pa sostené e finansiashon di estadonan europeo kontra e pandemia di Coronavirus.
“Mi ta proponé pa nos usa tur instrumento eksistente”, asina e minister a deklará den un entrevista ku e grupo di prensa aleman Funke. E proposishon ta pa trankilisá algun pais na sùit manera Italia, kual ta teme ku e fiansanan di MEDE ta wòrdu hasi a kambio di polítikanan di ousteridat presupuestario.
Desde vários dia kaba, Estadonan europeo manera Spaña, Fransia i Italia a preshoná Alemania, Oustria, Ulanda i Finlandia pa e paisnan kambia nan postura tokante e kuestion di kompartí debe pa enfrentá e krísis aki. E minister tambe a mantené su oposishon kontra esaki. E promé minister italiano, Guiseppe Conte a eksihí e medida aki den un entrevista ku el a duna na medionan aleman durante e último dianan ku a pasa.
MEDE por fia kada Estado te ku 2% di su produkshon anual. Por ehèmpel pa Italia esaki ta 39.000 mion euro.
