BERLIN, ALEMANIA, AFP.- Mas di shete persona vakuná na Alemania a kuminsá benefisiá di e de eskalashon di medidanan di salú, kual ta permití nan pa reuní bèk òf bishitá kapsalonnan entre otro, sin un tèst negativo di COVID.
E medidanan nobo, kual a drenta na vigor despues di un votamentu den parlamento, ta konta pa tur esnan ku a kura despues ku nan a keda infektá ku e vírus.
Mas di shete mion persona a haña e di dos inyekshon di e vakuna kontra COVID i ta benefisiando di e medidanan aktualmente. Aparte di esaki nan por drenta tur establesimentu sin presentá un tèst negativo, manera ta sosodiendo aktualmente ku sobrá parti di e poblashon, ku eksepshon di negoshinan “esensial” manera supermerkado òf botika.
Ademas, nan no mester respetá e toke de keda ku ta kuminsá 10 or di anochi. E medida a keda introdusí luna pasá pa kontrarestá e terser ola. Nan por reuní den privá tambe sin restrikshon.
Kasi dos terser di e alemannan (64%) ta na fabor di de eskalashon pa personanan vakuná òf ku a kura, segun un enkuesta.
