WILLEMSTAD.- Ministerio Públiko (OM) ta na altura di vários mensahe ku a ser manda via SMS i e-mail ku ta kontené un link pa paga un but di korementu ku velosidat eksesivo. OM ta enfatisá ku e mensahenan aki no ta originá di Ministerio Públiko. OM ta urgí públiko pa no klik riba e link i pa no hinka ningun informashon personal òf finansiero den e mensahe. Mensahenan ofisial di Ministerio Públiko ta inkluí un link di pago eksklusivamente via SENTOO i nada otro.
E mensahenan aki ta redaktá na Papiamentu normalmente y ta menshoná e numbernan di telefòn ofisial di Ministerio Públiko. OM ta konsehá tur hende ku risibí un mensahe asina pa: • no klik riba e link; • no duna ningun informashon personal òf finansiero i • eliminá e mensahe. Si bo no ta sigur di outentisidat di un mensahe, bo por tuma kontakto ku Ministerio Públiko usando e numbernan di telefòn ofisial +5999 434 2120 / 434 2122. Ministerio Públiko ta pone énfasis riba e nesesidat pa públiko keda vigilante kontra e tipo di froudenan aki.
