TRIPOLI, AP.- Resultadonan final di elekshonnan na Libia a mustra djamars ku un aliansa liberal i sekular ta na promé lugá despues di promé votamentu liber di e paso despues di basta dékada.
Ta un torno ku no ta normal pa e islamitanan, ku a gana elekshon na Egipto i Tunesia. Den e revolushon ku e mundu árabe ta sagudí, ainda tin oportunidat di kompartí gobièrnu.
E komishon elektoral a indiká kue Aliansa di Forsanan Nashonal di e eks promé minister interino Mahmoud Jibril a gana 39 asiento den e Parlamentu, miéntras ku e partido Hustisia i Konstrukshon di e Hermandat Musulman a keda na di dos lugá ku 17 asiento disponibel pa e partido.
E saldo di pode r liber di 120 lugá ku ta keda pa e kandidatonan independiente, kende su afiliashonnan no ta bisto.
E komishon elektoral a indiká djamars ku 62% di e elektornan registrá a partisipá dia 17 di yüni den e promé elekshon despues ku a sera e 42 añanan di e régimen di Gadafi aña pasa ku un guera sivil.
