CARACAS, VENEZUELA.- Venezolanonan detené debí na protestanan despues di elekshon na Venezuela, será den prizònnan di máksimo seguridat, tin alimentashon “defisiente”, segun e organisashon ku ta opservá e prezunan. Ta akusá ku hopi dje detenidonan ta “hopi flaku” i ku nan ta risibí apénas dos kùp di awa pa dia.
Mas di 24.000 persona a keda detené pa motibu di a manifestá kontra elekshon di Nicolas Maduro. “Ora ku famianan logra pa mira nan sernan kerí, nan no ta rekonosé esakinan pa motibu di nan kondishon físiko, flaku i blek. Tin kaso kaminda despues di dos luna ku hóbennan ta prezu, ku e mayornan por a mira nan yunan durante di 10 minüt.
Un mama, di nòmber Mireya Gonzalez kende su yu ta detené den Tocuyitom a bisa ku “nos tabatin dos luna sin mira nos yu, e ta flaku, e ta malu, nan ta dunand’é kuminda ku bichi pa kome, e no ta haña awa. Nan no ta bati’é, pero nan ta teroris’é”, segun e mama a denunsiá.
