Krioyonan den MLB
Ozhaino Albies (Atlanta Braves) por mira bek riba un promé mitar di temporada eksitoso den kual ta proyekto pa e mehora tur su sifranan ofensivo kompará ku 2018. Albies mester tabata den Wega di Tur Strea awe mirando e kantidat di voto ku el a risibí pero ku un formulá nobo ku MLB a bin kuné, el a keda chikí. Aki e sifranan di Ozzie Albies pa loke ta bai 2019:
G: 90; AB: 352; R: 56; H:102; TB: 171; 2b: 21; 3b: 3; HR: 14; RBI: 49; BB: 31; IBB: 4; SO: 60; SB: 6; CS: 2; AVG: .290; OBP: .351; SLG: .486
Jonathan Schoop (Minnesota Twins) a habri temporada ku su ekipo nobo, Minnesota Twins i ta hungando hopi mas regular loke no tabata pasando ku Milwaukee Brewers den di dos parti di temporada 2018 ora ku el a keda kambia pa Baltimore Orioles. Esei ta pone ku Schoop tambe ta mira un mehorashon den mayoria di su sifranan ofensivo kompra ku 2018. Mas importante Twins ta na promé lugá den nan divishon, algu ku no tabata sosodé pa hopi aña kaba. E di dos parti di temporada ta bira krusial pa Schoop ya ku e mester sigurá un kontrakt nobo na final di e temporada aki. Esaki ta e sifranan di Schoop pa loke ta bai 2019:
G: 76; AB: 288; R: 44; H: 75; TB: 135; 2b: 18; 3b: 0; HR: 14; RBI: 39; BB: 12; IBB: 0; S: 75; SB: 1; CS:0; AVG: .260; OBP: 311; SLG: .469
Mayan ta pone atenshon riba Jurickson Profar i Kenley Jansen
Na Hapon
Coco Balentien (Yakult Swallows) no tabatin wega ayera
Lupa riba Liga Menor
Kevin Jospehina i Shean Michel (Florida Fire Frogs, afiliashon Klase A di Atlanta Braves) wega a keda posponé pa motibu di áwaseru
Juremi Profar, 1b (Nashville Sounds, afiliashon Tripel A di Texas Rangers) All Star Break, próksimo wega lo ta djaweps 11 di yüli
Ademar Rifaela, OF (Norfolk Tides, afiliashon Tripel A di Baltimore Orioles) All Star Break, próksimo wega lo ta djaweps 11 di yüli
Hendrik Clementina, C (Daytona Tortugas, afiliashon Klase A Avansa di Cincinnati Reds) a bai di 4-0 ayera
Sherten Apostel, 3b (Hickory Crawdads, afiliashon Klase A di Texas Rangers) no tabatin wega ayera
Calten Daal, 2b (Chattanooga Lookouts, afiliashon Dòbel A di Cincinnati Reds) a bai di 2-1 ayera ku 1 kareda anota
Shervyen Newton (Columbia Fireflies afiliashon Klase A di New York Mets) no tabatin wega ayera
Kirvin Moesquit, OF (Frederick Keys, afiliashon Klase A Avansa di Baltimore Orioles) a bai di 2-2 ayera ku su di 10 doblete di temporada. El a keda saka out den su intento di robo pa di 5 biaha e temporada aki
Stephan Vidal, C (Idaho Falls Chukars, afiliashon Rookie di Kansas City Royals) no a mira akshon ayera
Edmond Americaan, OF (Eugene Emerlands, afiliashon Klase A di Chicago Cubs) a bai di 4-2 ayera ku 2 kareda anotá i 1 base por bola risibí. El a roba su di 6 base di temporada
Jonathan Willems, 2b (Billings Mustangs, afiliashon Rookie di Cincinnati Reds) a bai di 1-1 ayera ku 1 kareda anota
Dashenko Ricardo (Durham Bulls, afiliashon Tripel A di Tampa Bay Devil Rays) All Star Break, próksimo wega lo ta djaweps 11 di yüli
Junior Martina, Inf (GCL Nationals, afiliashon Rookie di Washington Nationals) no tabatin wega ayera
Gianfranco Wawoe, 2b (Southern Illinois Miners, Liga Independiente) no tabatin wega ayera
Shairon Martis, Curt Smith i Randolph Oduber (Lincoln Saltdogs, Liga Independiente) no tabatin wega ayera
Play of the Day
