SANTIAGO, CHILE, AFP.- Alumnonan di skol sekundario a partisipá den un marcha den kapital di Chile pa eksihí mehorashonnan den e sistema di edukashon. Nan a sende un bùs di transporte públiko na kandela durante e protesta, segun indikashon dia AFP.
E alumnonan a reuní riba Avenida Alameda, den kurason di Santiago. Nan ta protestá pa motibu di mal alimentashon i mal kalidat di e infrastruktura di kolegionan públiko.
E gobièrnu di presidente Gabriel Boric, kende su gobièrnu a komprometé na realisá mehorashonnan den sentronan di edukashon públiko, a risibí e studiantenan pa skucha nan demandanan.
E marcha tabata pasífiko i tabatin solamente un episodio di gran violensia, na momentu ku un grupo a para un bùs, baha e shofùr i e pasaheronan i kibra esaki su bentananan i send’é na kandela ku bòm “molotov”.
