Strea Briante di nos Deporte
WILLEMSTAD.- Respèt pa Amadeo “Chapo” Kemper, e doño di vários rèkort riba distansia largu. Amadeo (55) a nase den Otrobanda i for di edat hoben a kuminsá demostrá su talento i tremendo resistensia pa kore karedanan di distansia medio i largu.
Tabata na aña 1985 ku e coach di atletismo Tonchi Miguel ku tabatin su ekipo Olympic, a invitá Amadeo pa e kore un kareda di 5 kilometer. El a marka un tempu hopi bon, loke no tabata nada straño ya ku den basketbòl e atleta tabata keda kore durante di hinter wega. Asina Amadeo Kemper a hasi su debut den atletismo ku Olympic den Stadion di Rif. Un rival kontra ken e mester a kore vários biaha tabata Ruthsel Martina, ku e tempu ei tabata kampion di Kòrsou.
Na 1985 el a prepará pa su promé kareda internashonal ku tabata na Cayman Islands, kaminda el a finalisá na di shete lugá. Esei tabata e momento ku el a skohe pa sigui kore kareda di distansia medio i largu.
A yega e momento ku e tabatin mester di un coach i el a aserká Hildo Martis kende a kuminsá yuda ku su skema di training i kareda. E persona aki tabata regla tur kos relashoná ku su karedanan. Un dje kosnan ku el a siña, tabata pa stop di preokupá ku otro koredónan i kore su mes kareda.
Ademas di a dominá den karedanan aki na Kòrsou, el a kuminsá kore pafó di pais.
Karedanan internashonal:
Paisnan kaminda el a kore: Aruba, Boneiru, Barbados, Bermuda, Merka, Cayman Islands, St. Vincent, Venezuela, Hulanda i Brazil.
– Amadeo 2x a kore den Kampionato C.A.C. na Venezuela (resultadonan: 11 i 3er lugá).
– Ela kore varios biaha Kareda di San Silvestre na Brazil.
– 1990 Ela bai Weganan C.A.C. na Mexico
– 1992 Amadeo a kore maratòn na Rotterdam
– Amadeo ketu bai tin riba su nòmber rekòrtnan di Antia/Kòrsou riba e distansianan 5 i 10 km (14.35 min. i 29.35 min, respektivamente)
– Den e ramo di Cross, e ta úniko antiano ku tabata konta internashonalmente.
Logronan:
– 1986 di 2 lugá Fatumloop 10km
– 1986 Ganadó Jubileumloop KAE – 5 km loop di RRCK
– 1987 Ganadó di “Jubileumloop Van Dorp- Edinneloop”
– 1987 Ganadó di “5de C.A.B. Stratenloop”
– 1987 Di 2 lugá Miya rònt di Waaigat
– 1987 Koredó mas duru entre Wespunt i Lagoen
– 1987 Di 2 lugá den 10 km loop “Texaco Games” Cross na Barbados
– 1988 Ganadó Halve Marathon di “De Postale Vereniging” Sepsodik (1:15.20)
– 1988 Ganadó “Schottegatloop”
– 1988 Ganadó Kareda di Grasia
– 1988 Ganadó New Song Race 6 km di SDK pa Stadion di Suffisant
– 1989 Ganadó di mitar Marathon di U.P.U.
– 1989 Ganadó di “Fatumloop” 10 km
– 1989 Ganadó di “Schottegatloop”.
– 1989 Ganadó di CITCO loop 10 km tempu: 32 min 35 sek
– 1989 Ganadó di 29e “Boulevardloop” tempu 33 min 5 sek
– 1989 Promé lugá “Romar Cross” kategoria 20-29 aña ku Olympic
– 1989 Ganadó “Ronde Klip-loop”, 15.59
– 1989 Ganadó Coca Cola Race di Road Runners Club tempu: 33 min
– 1989 Atleta (Deportista) di aña di Curacaose Sport Federatie
– 1990 Ganadó di “Boulevardloop” na Aruba: 32 min i 13 sek
– 1990 Ganadó “New Song loop” di S.D.K.: 17 min 23 sek.
– 1991 Ganadó di Fatumloop
– 1991 Ganadó di Schottegatloop, rekòrt nobo 56.45
– 1991 di 2 lugá Boulevardloop 10 km na Aruba
– 1991 Ganadó Pepsi Funrun
– 1991 Ganadó Kampionato C.A.C. 18 km Cross-Country na St. Vincent: 1:00.00.
– 1991 Ganadó Halve Marathon tempu: 1 ora 11 min
– 1991 Ganadó Kareda Cerilio Maduro 10 km: • Rekòrt 0.31.07
– 1991 Ganadó Kareda Refineria di Kòrsou 7.5 miles: • Rekòrt Tempu: 0:39:41
– 1992 Ganadó di Fatumloop
– 1992 Ganadó di Halve Marathon di Arubadag: • Rekòrt 1.11.40 Open klasse
– Ganadó di Aruba International Half Marathon 1991, 1992, 1993.
– 1992 Ganadó Kareda Refineria di Kòrsou 7.5 miles: 0:41:37.
– 1993 Ganadó Fatumloop 10 km: 32.19
– 1993 Ganadó di Antilliaanse Atletiek Competitie kategoria 5000 m
– 1993 Ganadó di 4 Kareda di CAB
– 1994 Ganadó Overall CITCO-loop
– 1994 di 2 lugá 3000 m
Rekortnan te ku fecha di awe:
– Schottegatloop (1991): 56 min 45 sec
– Ganadó 5x di Fatumloop
– Ganadó 3 aña siguí di Fatumloop: 1991, 1992, 1993
– Rekòrt 10 km di Kòrsou: 30:02 minut.
– Rekòrt 10 km di Aruba: 31:20 minut.
– Karedanan di kua rekort ketu bai riba su nòmber: Kareda di Fatum/Guardian Group (1987), Citco Run (1988), Cerilio Maduro (1991), Kareda di Schottegat (1991).
