WILLEMSTAD.- E plan ta kla i manera presidente di AMAK a indiká den su entrevista den luna di novèmber durante di ‘Louie Louie Talks’ nan tin un plan pa Festival di Tumba.

‘DEN E BEMBE’ a komprondé e siman di 1e te ku 5 di febrüari 2021 lo bira e siman di ‘Tumba Revival Festival’, un siman karga ku muzik di Tumba.

Riba djaluna, djamars i djárason lo presentá e tumbanan ganadó di Festival di Tumba di 1971 te ku 2020. Riba djaweps lo presentá e 20 tumbanan ku no a gana pero a bira esnan di mas popular.

Riba djabièrnè, e anochi final, lo tin presentashon di e último 20 tumbanan ku a gana e festival ‘bibu’ ku kompañamentu di un orkesta bou di direkshon di Gregory Colina.

Mas aleu ‘DEN E BEMBE’ a komprondé ku lo tin transmishon bibu pa rònt mundu.

Manera a indiká, pa otro siman djaweps, 14 di yanüari 2021, AMAK lo duna tur detaye i kon ‘Tumba Revival Festival’ lo keda presentá.

LAGA UN KOMENTARIO

Please enter your comment!
Please enter your name here