SAN FRANSISCO, MERKA, AFP.- Amazon a ofresé presidente Joe Biden yudansa pa e gobièrnu merikano nobo logra su meta a vakuna 100 mion persona den 100 dia.

E visepresidente di Amazon, Dave Clark, a manda un karta pa Biden kaminda e ta pidi su empleadonan pa vakuna mas lihé posibel i a duna e kompania rekurso pa e plan nashonal di vakunashon.

Amazon a e di dos empresa mas grandi den Merka ku 800.000 trahadó, di kual mayoria ta trahadónan esensial ku no por hasi nan tarea for di kas, segun kopia di un karta ku AFP tabatin akseso na dje.

E komersio online a registrá un ‘boom’ durante e pandemia pa motibu ku tur persona ta bestèl online pa evitá riesgo di haña e vírus.

“Nos ta komprometé na yuda e gobièrnu ku su esfuersonan i vakunashon miéntras nos ta traha huntu pa protehá nos empleadonan i sigui suministrá servisionan esensial durante e pandemia”.

Amazon a yega na akuerdonan ku diferente proveedor di servisionan di salú pa vakuna den instalashonnan di e empresa, inkluyendo esaki su depósitonan, sentronan di distribushon i tiendanan físiko segun Clark.

LAGA UN KOMENTARIO

Please enter your comment!
Please enter your name here