WILLEMSTAD.-Ambulans a keda dirigí pa e entrada di Hotèl Corendon pa un kaso di aksidente den kua dos turista a resultá herida. E kaso a tuma lugá den oranan di mainta, nèt promé ku 11’or i segun informashon risibí na e sitio e dos personanan tabata riba un skuter i pa un motibu deskonosí nan a kai. E kaida for di un skuter ku ta den moveshon ta pone ku hende ta resultá herida. Ambulans ku a yega na e sitio a duna promé asistensia na e dos personanan tanten outoridatnan a kuminsá buska informashon pa komprondé ta kiko a pasa.
Ambulans a bai ku un di e personanan ya ku esaki tabatin sla na su rudia drechi, e tabatin doló na repchi i tambe algun raspa na su man drechi. E otro persona a keha di doló na su rudia drechi tambe i banda di esei e tabatin algun raspa leve na su brasa drechi.
