NEW YYORK, USA (AFP).- E kompania aéreo American Airlines ayera a indiká ku ta e intenshon pa entrante 30 di aprel bolbe kuminsá bula pa Venezuela, den kaso ku e haña e aprobashon nesesario. E kompania ta e promé pa risibí un outorisashon di gobièrnu di Donald Trump, na komienso di mart, pa por bula pa e pais suramerikano.
E pèrmit a surgi den un etapa ku e relashon entre e dos paisnan a kuminsá drecha for di despues dje kaptura dje presidente Nicolas Maduro di parti di forsanan militar norteamerikano na komienso di aña.
“American Airlines ta sigui traha ku outoridatnan di gobièrnu na Merka i Venezuela pa reanudashon dje servisio”, segun e kompania ta bisa den un komunikado. E intenshon ta pa operá e avionnan Embracer 175 entre Miami i Caracas via di su filial Envoy Airlines. E kompania ta plania pa habri e ruta entrante 30 di aprel.
E kompania Fort Worth (Texas) a kuminsá ku su rutanan pa Venezuela den 1987 i tabata e aerolinia merikano mas importante pa operá e pais promé ku e suspenshon di buelonan den 2019.
