WILLEMSTAD.- E amor di un yu ku su tata, esei ta e tema prinsipal di ‘Amor Incondicional’ ku resientemente Boy Thode a graba ku e hóben Gianimaris Lizany Croes, 15 aña, kantante Arubano ku aña pasa a gana e festival ‘Vozilandia’ na Aruba.
‘Amor Incondicional’ ta un komposishon di Anuar van der Linden ku areglo di Pedro van der Linden. Un tremendo komposishon ku un mensahe kla pa loke ta trata e relashon entre un Tata ku su yu.
