WILLEMSTAD – Awe despues di e wega dramátiko den kual ekipo di Reino a gana den World Baseball Classic riba un honron di nos krioyo Ozzie Albies pa laga e ekipo di Nicaragua den tereno, tabatin otro momentu bunita pa Kòrsou. Tabata Minister Roderick Middelhof huntu ku direktor di CTB, Muryad de Bruin a deklará Andruw Jones komo embahador di deporte en general pa Kòrsou. Andruw Jones a kaba di keda eligí na yanüari último pa Salon di Fama di MLB. Ku esaki CTB i Kòrsou lo bai usa di e imágen di Andruw Jones pa atraé mas turista pa Kòrsou. Den e edishon di djaluna EXTRA lo tin mas detaye di e informashon positivo aki.
