BE IRUT ( AP ) . – E representante internashonal Kofi Annan ayera a trata di bolbe trese su plan di pas dilanti pa Siria ku e búskeda di e koperashon di Iran, un aliado firme i partidario militar di e régimen di presidente Bashar Assad.
Promé di a biaha pa Teherán, Annan a bisa ku el a akordá un enfoke nobo ku Assad pa frena e violensia, ku, segun aktivistanan, a laga mas di 17.000 persona morto for di e inisio di e konflikto na mart di 2011.
Annan no a splika den detaye e akuerdo ni a bisa kua lo ta e partisipashon di Iran ku e ta konsiderá pa e solushon pa e krísis. E kombatientenan kontra di e régimen ta rechasá e partisipashon di Iran den e plan ku, segun nan i algun eksperto, tin poko ekspektativa di éksito.
Merka a ekspresá su rechaso pa e partisipashon iraní den e reunionnan riba e krísis na Siria.
Annan, representante konhunto di Nashonnan Uní i di Liga Arabir pa Siria, a presentá na kuminsamentu di aña un plan di pas, pero e pakto a enfrentá problemanan profundo for di komienso.
E forsanan di gobièrnu i e rebeldenan no a kumpli ku e tregua ku mester a drenta na vigor na aprel, miéntras ku e violensia ku a sigui krese a mantené kasi 300 opservador di Nashonnan Uní ku lo a supervisá e tregua pegá den nan hotèlnan.
Despues di un reunion di dos ora ku el a tene ku Assad, Annan a bisa ku den e enkuentro a aseptá ‘e enfoke’ pa frena e violensia.
Annan de s pue s a kuminsá su biahe pa Teherán en buska di e koperashon di outoridatnan iraní.
