Antisosial(nan) a sende kabinètnan di UTS na kandela
WILLEMSTAD.- UTS ta partisipá ku awe mainta, djarason 13 di desèmber, un di nos kabinètnan di UTS den e bario di Koraalspecht a ser kimá por kompleto. Relashoná ku esaki, no tin konekshon di telefòn fiho, faks, internèt ni leased lines den sierto área di Koraalspecht. Komo ku e kabinèt aki a kima kompletamente, ta bai tuma sigur algun dia di trabou pa téknikonan di UTS por rekonstruí un kabinèt nobo p’asina restablesé tur komunikashon bèk den e área aki. Lo traha duru, p’asina aliviá e situashon aki mas lihé posibel, miéntras ku investigashon ta andando pa konkluí kiko i ken ta esnan responsabel, debí ku e indikashon ta fuerte ku tin envolvimentu di vandalismo den esaki. Nos diskulpa pa kualke inkumbinensia ku esaki por kousa.