WILLEMSTAD.- Den oranan di mainta sentral di polis a risibí notifikashon ku na Petroleumweg tin un kas na kandela. Mesora sentral a dirigí unidat di Rio Canario na e sitio pa tuma nota di e situashon i duna asistensia. Na yegada di polis nan a konstatá ku ta e baño tabata na kandela I esaki a yega na e dak di e kas. Mesora a pidi bomberonan di Rio Canario pa presentá na e sitio i paga e kandela aki promé ku e ekspandé. Na momentu ku bomberonan a paga e kandela nan a tumá nota ku ta un aparato di keinta awa a kue korto sirkuito den baño i okashoná e kandela aki.
