WILLEMSTAD.- Ayera tardi a tuma lugá e apertura di Madero Music Studio, un studio di grabashon nobo ku espasio pa krea i produsí muzik.
Invitadonan i prensa tabatin e oportunidat pa tuma nota dje fasilidat i tambe risibí informashon di e representante di Madero Ocean Club, Sr. Gino Nivillac, i tambe e representantenan di Big Boss Music i Orion Music Network ku tabata presente.
E plan pa e studio di grabashon akí ta no solamente brinda e oportunidat na artistanan lokal, pero nan lo enfoká nan mes pa e merkado internashonal.
Riba e potrètnan nos por apresiá e presentashon i tambe un bista di un dje studionan.
