WASHINGTON, USA.- Gobièrnu di presidente Donald Trump ayera a lansa un aplikashon di telefòn mobil CBP Home pa “outodeportashon” di migrantenan den situashon iregular, segun Departamento di Seguridat Interior (DHS) den un komunikado.
E intenshon ta ku estranheronan ta usa e aplikashon di telefòn mobil CBP Home pa komuniká ku gobièrnu riba nan intenshon pa bai for di e pais.
E por keda usá pa “e estranheronan ku ta di manera ilegal den e pais” òf esnan di kende a revoká na pèrmit di permanensia temporal (konosí komo ‘parole’ na ingles).
E outodeportashon ta e opshon mas sigur pa migrantenan ilegal, miéntras ku pareu ku esei e ta preservá e rekursonan di forsanan di seguridat”, segun DHS ta bisa den un komunikado.
“No solamente e ta mas sigur, sino ku tambe e ta spar sèn di pagadónan di belasting norteamerikano komo tambe rekurso finansiero balioso di Duana i Protekshon di Frontera (CBP), ademas di Inmigrashon i Kontrol di Duana (ICE) pa por konsentrá riba estranheronan delinkuente peligroso”, segun a splika.
