SAN FRANCISCO, AP.- E kompania di Apple a bisa ku nan tabata kumpra riba Amazon.com produktonan klasifiká i outéntiko i a konkluí ku un 90% di esakinan ta falsu. Esaki a keda konosí den un demanda federal presentá djaluna último pa e kompania di Apple kontra e kompania den New Jersey pa ‘charger’ nan i kabelnan falsifiká pa produktonan di e marka en kuestion ku tabata keda bendé riba Amazon. Den e demanda, Apple a bisa ku Mobil Star a imprimí e logo tipo di Apple riba produktonan ku ta “representá un riesgo signifikativo di kalentamentu, pega na kandela i kortsluiting”. Tambe ta bisa ku e ‘charger’ i kabelnan tabata keda bendé riba Amazon komo produktonan outéntiko di Apple.
Apple ta bisa ku el a kumpra e produktonan riba Amazon i mas despues a bisa na e sitio di kompra ku nan tabata falsu. Amazon a identifiká Mobil Star komo e fuente. Amazon no ta inkluí den e demanda. Mobil Star no a rospondé di forma inmediato pa duna un komentario.
