WILLEMSTAD – Aqualectra ta informá ku sierto área ta sin koriente despues di vandalismo durante di ‘black-out’. “Despues ku nos a logra restablesé koriente awe mardugá, nos a konstatá ku malechornan a vandalisá algun propiedat di Aqualectra durante di e ‘black-out’. Pa e motibu aki tin sierto área ku ainda no tin koriente.”
Aqualectra ta sigui bisa ku sigur ta lamentabel pa konstatá ku delinkuentenan tambe a yuda stroba e suministro di koriente despues di nan trabounan intensivo pa logra restablesé koriente.
“Nos ke supliká un i tur ku ainda no tin koriente pa mèldu esaki via nos liña (grátis) 0800-0135 òf via WhatsApp 563-0135 (skohe opshon pa mèldu storing).”
