MERKA.- Despues di a anunsiá su retiro i ku lo e stòp ku konsierto e aña aki, ta resultá awor ku Aretha Franklin lo ke habri un diskotèk chikí bou dje nòmber “Aretha’s”.
E kantante di 75 aña a indiká ku lo e ke kanta na algun okashon den e klup i ku artistanan preferí di su públiko lo presentá.
E ta plania pa sigui graba CD i esun ku ta den produkshon aworakí ta wòrdu produsí pa Stevie Wonder. Lo ta e promé CD for di 2014 i su di 42 produkshon musikal.
Siendo e promé dama ku a keda halsa den ‘Rock and Roll Hall of Fame’, Franklin kende ta un ikono musikal. Despues di 50 aña, e ta kla pa baha man, ‘Esaki lo ta mi delaster’.
