MEXICO CITY, MEXICO, AFP.- E presidente argentino Alberto Fernandez a bisa djárason ku no a kometé un krímen den e skandal di vakuna di Corona vírus ku a kousa renunsia di su minister di salú.

Durante un bishita ofisial na México, el a bisa ku e asuntu di vakuna aki ta unu “sensitivo” pero ku no mester politisá esaki.

“Mi kier pidi tur fiskal i huesnan pa hasi loke ta nesesario”, agregando ku no a kometé un krímen òf kibra un lei Argentino.

Presidente Fernandez a pidi e minister di salú Gines Gonzalez Garcia pa renunsia djabièrnè, despues ku a sali na kla ku e i su amigunan a vakuná siendo ku no tabata nan turno pa hasi esaki.

Fernandez ya a haña e vakuna ruso Sputnik V den yanüari pero a bisa ku esaki tabata un esfuerso pa enkurashá otronan pa vakuná. “Mi mester a vakuná pa motibu ku medionan den Argentina a bisa ku no por konfia e vakuna ruso”.

E presidentenan di Argentina i México a publiká un petishon pa reforsá esfuersonan pa kontrarestá desigualdat ku distribushon di vakunanan.

Lopez Obrador a urgi Nashon Uní pa hasi mas pa sigurá akseso igual na vakunanan kontra e vírus ku a mata mas di 180.000 persona den México.

“Tin mas di shen pais ku no tin ni un dósis di e vakuna. Esaki ta kompletamente inhustu”.

LAGA UN KOMENTARIO

Please enter your comment!
Please enter your name here