Jorge Videla, un dje protagonistanan di golpi di estado na Argentina. Responsabel pa morto di hopi mil víktima argentino.
BUENOS AIRES (AFP).- Argentina a hasi públiko kasi 500 página di dokumentonan ofisial di Servisio di Inteligensia di Estado (SIDE) ku ta korespondé na e periodo di 1973-1983. E dokumentonan ta inkluí e mas ku shete añanan dje último i mas sangriento diktadura dje pais suramerikano.
E dokumentonan a keda publiká riba e website ofisial di estado. Nan ta kontené for di e lista di kompranan di ofisinanan dje organismo di inteligensia te ku registro di formashon di departamentonan dediká na spioná universidatnan, sindikato-, empresa- i organisashonnan sosial i polítiko.
“E inisiativa ta integrá un polítika orientá pa hasi mas fuerte e Sistema di Inteligensia Nashonal i esaki su responsabilidat ku sosiedat”, segun SIDE a bisa den un publikashon. Na un promé instante, a publiká “un grupo di 26 dokumento ofisial distribuí de 492 página”, ademas di un guia riba e desklasifikashon di dokumentonan pa fasilitá su lektura.
Dunamentu lider dje archivonan ta tuma lugá faltando sinku dia pa konmemorá e 50 aniversario dje gòlpi di estado ku a duna inisio, dia 24 di mart di 1976, na e último gobièrnu militar den e pais, ku a sekuestrá i laga 30.000 hende komo pèrdí.
Argentina a husga algun shen hende envolví den e krímennan kontra di humanidat durante dje diktadura, prinsipalmente eks-militarnan i eks-polisnan, ounke tambe algun sivil.
