BUENOS AIRES, ARGENTINA, AFP.- E ministerio di salú di Argentina a publiká un lista di 70 persona ku a haña e vakuna kontra COVID-19 ilegalmente, meimei di un skandal di vakunashon iregular.

E lista ta inkluí presidente Alberto Fernandez i algun persona den un ekipo, inkluyendo e minister di ekonomia, Martin Guzman i e embahador na Brasil, Daniel Scioli entre otro, pero tambe nòmber di funshonarionan i tambe personanan ku mester a warda riba nan turno pa haña  e vakuna.

Te ainda a vakuna personal di salú i a kuminsá vakuna esnan riba 70 aña den provinsia di Buenos Aires i esnan riba 80 aña den e kapital.

E skandal di vakuna aki a kuminsá djabièrnè último despues ku un periodista di 79 aña a konta ku el a haña e vakuna debí na su amistat ku e eks minister di salú Gines Gonzalez Garcia.

E konfeshon a kousa un andanada di reakshon atverso i a kousa ku e presidente a pidi renunsia di e minister.

LAGA UN KOMENTARIO

Please enter your comment!
Please enter your name here