BUENOS AIRES, ARGENTINA, AFP.- Argentina ta registrá 1.000 morto pa Coronavirus, reportando 8 morto adishonal riba djasabra. E kantidat di infekshon a wòrdu registrá na 41.191 segun datonan publiká djadumingu pa outoridat di e pais.
E ministerio di salú a señalá ku 12.728 persona a rekuperá i 27.476 tin e vírus, segun indikashon di e agensia ofisial Telam.
E kurva di kaso di Coronavirus ta oumentando na Argentina. E presidente Alberto Fernandez a limitá su aktividatnan pa evitá ku e ta wòrdu infektá ku e vírus.
Vários funshonario i dirigentenan polítiko ofisialista i oposishon a wòrdu infektá ku e Coronavirus durante e último dianan ku a pasa.
