WHITE PLAINS, NEW YORK, MERKA, AP.- Hillary Clinton a akusá Donald Trump di brinda “yudansa” na teroristanan islámiko i a bisa ku su argumentonan antimusulman di e republikano ta yuda gruponan menasá EI pa reklutá kombatientenan nobo.
Trump a deskribí ku “mayoria” estranhero ku yega Merka di manera un “kanser interno”.
Despues di un fin di siman kaminda tabatin atakenan violento den tres estado, e kandidato presidensial demókrata a mustra su kredensialnan den seguridat nashonal durante un konferensia di prensa pafó di su avion di kampaña. Akinan el a indiká ku e ta mas kalifiká pa kombatí terorismo, akusando Trump di usa e insidentenan aki pa hasi “un klas di argumento demagógiko”.
“Mi ta e úniko kandidato de e kontienda ku a forma parti di e desishonnan difísil pa saka teroristanan di kamponan di bataya”. Asina e eks sekretaria di Estado a bisa.
“Mi a yega di para den e sala di krísis di Kas Blanku. “Mi sa kon pa hasi e trabou aki”.
E posibilidat pa un plan terorista konsebí desde paden di Merka a proyektá un sombra enorme riba e kontienda presidensial, loke a distraé ámbos kandidato di e kontroversianan diario diekampañaiadunaun oportunidat pa presentá su argumentonan dilanti votadónan indesiso.
Den su kampaña, mayoria biaha Clinton ta hasi menshon di su ròl den e operashon di 2011 kaminda Osama Bin Laden a muri.
Akinan el a deskribí e votadónan e ambiente tenso den Kas Blanku na banda di Barack Obama.
