INGLATERA.- Miembro di selekshon di Kòrsou Ar’jany Martha ayera tabata titular pa Rotherham United, den nan derota di 1-0 na man di Port Vale. Ku e derota aki Rotherham United awor tin shete partido siguí sin por gana, i ta keda den posishon di degrada for di League One( di tres divishon ingles).
Martha tabata den akshon te na di 62 minüt pa su ekipo. E futbolista di 22 aña a hunga riba banda drechi di atake, i el a logra krea algun oportunidat di peliger pa su ekipo.
E temporada aki Ar’jany a disputá 41 partido pa Rotherham United. El a sa di kontribuí ku 2 gol i tambe 3 pase di gol.
E miembro di selekshon a hunga diferente posishon e temporada aki pa su ekipo, pero a mira mas éksito hungadonan den posishon ofensivo.
Ar’jany awor tin ku sigui traha pa e haña mas tantu minüt posibel den e último lunanan di temporada, pa asina e por ta entre e hungadonan ku lo representá Kòrsou den Mundial.
