ROTHERHAM.- Miembro di selekshon di Kòrsou Ar’jany Martha tabata titular ayera pa Rotherham United, den nan derota di 2-0 na man di Luton Town.
Martha ku ayera tabata titular pa Rotherham United, a kompletá 92% di su pasenan i a kousa peliger riba banda drechi di e atake na algun okashon.
E wega di ayera tabata Martha su di 45 di e aktual temporada. El a keda ainda ku 2 gol i 3 pase di gol den su promé temporada na Inglatera.
Mirando ku Rotherham United ya a degrada pa di kuater divishon di futbòl ingles, ta interesante pa wak kiko ta bira e siguiente moveshon di Ar’jany.
Rotherham United falta dos wega mas pa kaba temporada, kual por bira e últimonan di Ar’jany ku e ekipo ingles.
E futbolista di 22 aña na kuminsamentu di aktual temporada a firma ku e ekipo ingles, pero awor probablemente lo buska un oportunidat pa hunga riba un nivel mas haltu.
Martha a hunga kaba na Hulanda, Bélgika i Inglatera den su karera komo futbolista profeshonal.
