PORT-AU-PRINCE, HAITI, AP.- Ounke mayoria haitiano a kuminsá ku un bida nobo despues di e temblor di magnitut 7.0 ku a mata 300.000 persona, e Museo di Arte Haitiano di Universidat Saint Pierre a keda sera durante nuebe aña i resientemente a habri un sala chikitu pa eksponé kantidat di kuadro. Tin mas di 600 piesa di arte di artistanan prominente ku ta kore rísiko di deskomposishon. Un grupo chikitu di artista ta luchando pa salba e institushon aki.

E temblor a destruí otro museo i galerianan na Haiti. Musee Galerie d’Art Nader, ku tabatin un di e kolekshonnan mas grandi di arte haitiano a reportá un pèrdida di 30 mion dòler.

Pero Museo di Arte Haitiano tabata konosí komo un di e poko nan na mundu ku a preservá artenan di siglo XX. E museo tabata haña 9.000 bishitante pa aña. El a wòrdu krea na aña 70 komo un fundashon pa artistanan ku kier a konmemorá e pintor merikano DeWitt Peters, konosí pa liberá Centre d’Art di e nashon. E sentro a keda sera durante kuater aña despues di e temblor.

 

LAGA UN KOMENTARIO

Please enter your comment!
Please enter your name here