A kita reibeweis di shofùr ku a abusá di alkohòl

ORANJESTAD.- Ayera Aruba tambe tabatin un selebrashon grandi den kuadro di karnaval. Ayera a tuma lugá e asina yama ‘fakkel’. E parada di hendenan ku lus a bira konosí komo un di esnan mas ekonómiko pa partisipá na dje. Hendenan lokal i turistanan ta balia den kaya tras di e trùknan ku muzik.

Kuerpo Polisial di Aruba tratando na haña un Aruba ku mas órden Públiko i ménos aksidente debí na mal uso di alkohòl a tene un kontrol severo atrobe riba kaya. Den esaki a detené 11 persona, esei ta ménos kompará ku e aña Promé.

Durante i despues di ‘fakkel’ a parti un total di 28 but pa esnan ku a surpasá e velosidat máksimo, e velosidat tabata varia di 105 te ku 126 km ku hendenan tabata kore. Tur a haña but. E kontrolnan a tuma lugá na e asina yama “Green corridor” direkshon Playa na altura di rotònde Seru Tijshi.

Durante di e parada ‘Unidad Motorisa’ a kontrolá tambe di forma preventivo den lugánan di parker rondó di e aktividat i a logra detené un sospechoso pa kiebro den outo.

Despues di e parada tabain en total 7 detenshon di shofùrnan ku a kore outo bou di influensia di alkohòl. Asta tabatin un kaso ku a surpasá tur límite. Den e kaso ei e shofùr tabatin un nivel inkreibel haltu den su sanger (1160 ug/L). Mesora outoridatnan a tuma desishon ku ta kita su reibeweis pa un periodo basta largu (+/- 8 luna).

 

LAGA UN KOMENTARIO

Please enter your comment!
Please enter your name here