Aruba a registrá e di 9 morto den tráfiko

Ta pidi shofur ku a dal e víktima pa entregá su mes!

ORANJESTAD.-Un outo a alkansá un señora ku tabata kore un e-bike. Esei a sosodé den oranan di mardugátras di lomba. Sentral di polis a haña notifikashon di e aksidente aki pa 01:10 di mardugá. E aksidente a tuma lugá na altura di Shiribana Bar & Restaurantt na Paradera, asina polis di Aruba ta informá.

Sentral di polis a manda un patruya ku urgensia p e sitio. Na yegada a bin topa ku un señora riba kaminda ku no ta duna señal di bida mas. Patruya a pidi ambulans ku urgensia. Na yegada di ambulans e personal a hasi nan esfuerso máksimo, pero lamemtablemente no por a hasi nada mas pa e señora.  Dr. Valkuil ku ta dokter forénsiko a presentá na e sitio i a konstatá morto di e señora Julieth Patricia Patiño Castro nase 15 november 1988 (35 aña) na Colombia. Departamento di tráfiko a presentá pa hasi nan investigashon.

Ta hasi un apelashon na e shofer di e outo ku a alkansá e señora pa entregá su mes na kualke warda di polis of tuma kontakto ku sentral di polis na nr 100.

Departamentu di Slachtofferhulp a presentána e sitio pa asina duna sosten na famia di e fayesido. Cuerpo Policial di Aruba ta manda palabra di kondolensia na famia di e fayecido.