ORANJESTAD— Polis di Aruba a detené yu hòmber despues di morto di e mama. E bosero polisial ta splika ku djaluna 25 di mei 2026 pa mas o ménos 7:53 di mainta sentral di polis a haña notifikashon di un kaso na Calabas na unda a haña un señora di edat ku no ta duna señal di bida. Mesora a manda patruya i ambulans na e sitio.
Na yegada polis a bin topa ku e yu hòmber i e na su turno el a informá polis ku su mama no ta duna señal di bida. Ambulans a hasi nan máksimo esfuerso, pero no por hasi nada mas pa e señora. Dr.Texier a konstatá morto di e señora C.R. Piñero di 73 aña nase na Venezuela.
recherche, polis tékniko (BFTO)i dr. forénsiko a presentá pa hasi e investigashon pa deskartá si lo ta trata di un echo kastigabel. Despues di un ratu a pidi ambulans bek na e sitio pa e yu hòmber i e la wòrdu transportá ku ambulans pa haña tratamentu médiko.
Outoridatnan a realisá ku e morto di e señora Piñero no ta natural. Mirando e kaso serio aki, Recherche a detené e yu hòmber E.E.B.P. nase na Venezuela di 44 aña relashoná ku e kaso aki.
