‘Aruba ku Sint Maarten ta tuma un riesgo ku turistanan merikano’

Dr. Izzy Gersenbluth

WILLEMSTAD.– Entrante 1 di yüli Kòrsou lo habri frontera pa Hulanda I otro paisnan di riesgo mediano sin karentena obligatorio. Tin un máksimo di 10.000 pasahero pa luna ku por bishita Kòrsou. Segun Kòrsou paisnan ku un riesgo abou ta Aruba, Boneiru, Kòrsou, St. Eustatius, Saba I St. Maarten. Paisnan ku tin un riesgo mediano ta Bèlgika, Canada, China, Alemania, Fransia, Hulanda, Italia I Spaña. Epidemiologiko Izzy Gerstenbluth a bisa awe mainta ku Kòrsou lo no habri frontera pa turistanan for di Merka. ‘Merka ta un riesgo grandi. Oropa tambe ta sera su frontera pa Merikanonan. Sint Maarten lo habri frontera pa turista di Merka mañan, I Aruba riba di 10 di yüli. Ku esaki nan ta tuma un riesgo. Mi ta komprendé nan, pasobra Aruba I Sint Maarten ta dependé hopi mas di turistanan for di Merka ku Kòrsou. Pero e ta keda un riesgo. Kòrsou no ta tuma e riesgo ei.’

SHARE

LEAVE A REPLY