ORANJESTAD.-Kuerpo Polisial di Aruba a saka atvertensia na tur doño di bròmer marka AKT pa tuma tur klase di prekoushon nesesario debí ku e kuerpo a tuma nota ku hòrtamentu di e bròmernan aki a lanta kabes.
Polis di Aruba ke konsientisá tur hende ku tin un bròmer AKT pa tuma bon nota di e mensahe di prevenshon i pone èkstra medida di seguridat. Ta rekomendá e.o pa pone un bon kandal, un stuurklem, GPS-tracker y òf alarma.
Ademas paga bon atenshon na unda ta stashoná e bròmer. Por ehèmpel: par’é na unda tin sufisiente lus, pone e bròmer na kadena ku slòt na un opheto ku ta difísil pa move i bai kuné. Otro tep èkstra ta pa no laga yabi na unda ku ta. Pèrkurá pa saka foto di e bròmer inkluyendo e serienummer. Esaki ta pa si akaso nan hòrt’é e doño por mustra polis.
Kuerpo polisial lo keda informá i konsientisá pueblo pa ta mas alerta pa tipo di aktonan asina.
