Aruba ta adaptá orario di Toque de Queda

ORANJESTAD.-Entrante awe djaweps Aruba ta konosé un kambio pa loke ta trata nan ‘toque de queda’, asina minister presidente Evelyn Wever-Croes a informá su komunidat. Aparte di e orario lo hasi kambio tambe na e sitionan unda ta permití hende move liber. Covid-19 a kosta vários bida na Aruba i e kantidat di hendenan infektá a bula 100 . Gobièrnu di Aruba a introdusí ‘toque de queda’ hopi tempran sinembargo tur anochi polisnan tabata detené vários hende ku no ta respetá e medida. Apénas 2 o 3 anochi outoridatnan no mester a detené niun (0) hende, sobrá tur otro anochi tabatin vários detenshon.

Den e anunsio di e prome mandatario el a duna di konosé ku e orario nobo di e ‘toque de queda’ lo ta di 11’or anochi te ku 5’or di mainta. E kambio ta kuminsá awe nochi pues. E mandatario a pidi su poblashon pa tene kuenta ku e kambio di e medida i kòrda ku no ta eliminashon di e ‘toque de queda’ a tuma lugá.

E ‘toque de queda’ ta bai konta awor pa kamindanan públiko so. Esei ta nifiká ku si un hende ke sinta ku su amigunan dilanti su kas, esei lo no ta un problema i lo no haña but pa esei. Esnan ku topa nan riba kaminda públiko si lo haña but. Ta suavisá e medidanan pa loke ta trata tráfiko marítimo tambe. Piskadónan registrá por subi laman pa piska, pero nan por haña kontròl di outoridatnan marítimo i nan mester perkurá ku tur nan papelnan ta na òrdu.

SHARE

LEAVE A REPLY