ORANJESTAD.- Polis di Aruba ta informá ku resientemente e Unit Narkótika ta investigando un kaso serio tokante un kargamentu di droga mariwana ku a drenta Ruba di forma ilísito. Investigashon dirigí pa Unit Narkótika a logra detené tres persona relashoná ku e kaso andando aki. A forma un ekipo forma pa Unidat canino (K9) i RRT di Polis pa ehekutá un entrada hudisial na un kas na San Fuego na Santa Cruz.
E investigashon a duna un resultado eksitoso despues di un ‘huiszoeking’, kaminda a topa ku un kargamentu grandi di entre otro; MDMA i e droga konosí komo” Tusi” di kual tur a keda konfiská. E sospechoso ta un hòmber ku inisialnan; D.A.C.O.di 38 aña di edat nase na Venezuela, e sospechoso A.D.M. di 41 aña di edat nase na Aruba i e sospechoso M.P.M. di 30 aña di edat nase na Colombia.
E kaso ta den pleno desaroyo i e investigashon ta andando. No ta deskartá ku mas detenshon por kai den e próksimo dianan. Kuerpo Polisial Aruba ta urgí esnan ku sa algu of a wak algu pa yama tiplijn di Polis ku ta 11141. Bo ta keda anónimo.
