WILLEMSTAD.- Identidat di e víktima di tiroteo ku a tuma lugá awe djaweps 18 mei na La Famawijk ta konfirmá. Ta trata di e hòmber Robertico Christofer Nathan Antonij, nasé na Kòrsou 12 di febrüari 1990.

Fo’i ayera mardugá Kuerpo Polisial a inisiá ku investigashon di un kaso di asesinato ku a tuma lugá den La Famawijk.

Konforme informashon ku EXTRA a risibí, alrededor di 01:40 am Sentral di Polis a risibí notifikashon ku tin zonido di bala den área di Parerawijk i ku despues abitantenan a topa un hòmber benta abou ku un karson di guera bisti. Na yegada a topa ku e víktima drumi abou ku herida di bala na altura di entre otro su pechu i sin ta duna señal di bida.

Kuerpo Polisial ta hasiendo e último pasonan nesesario pa despues duna di konosé e identidat di e víktima. EXTRA lo duna mas informashon manera ku esaki ta disponibel. Investigashon den e kaso ta kontinuá.

 

 

 

LAGA UN KOMENTARIO

Please enter your comment!
Please enter your name here